Jæja.. þá er maður komin heim úr bústaðnum, höfðum það bara æðislegt.
Svona var þetta í megin atriðum
Laugardagur: gerðum við mest lítið nema að keyra á selfoss og kaupa í matinn og undirbúa okkur andlega undir fyrsta leikinn á EM. Svo horfðum við á leikinn og grilluðum og svona fleira næs.
Sunnudagur: Heiða og Pétur fóru heim, Ma&Pa, Elli, Hrafnhidur, Bjössi, Gisli og Sunna komu í heimsókn og fengu vöflur og strákarnir fóru í pottinn. Svo var horft á fótbolta. Palli fékk hita og var hundslappur alla helgina, loksins þegar maðurinn tekur sér frí í meira en einn dag...
Mánudagur: Palli ennþá smá slappur en hitalaus, Skoðuðum Geysi og Strokk. Ég vorkenni aumingja Geysi greyjinu,alveg fullt af fólki þarna en ekki einn nennti að skoða hann. Hann var bara þarna einn og yfirgefinn. Við skoðuðum hann að sjálfsögðu og töluðum heillengi við hann og gáfum honum smá pepptalk... Horfðum svo á ÍTALÍU gera jafntefli við Dani...
Þriðjudagur: Fórum og skoðuðum Gullfoss og lékum okkur heillengi þar, Skoðuðum líka Skálholt, alveg rosalega gaman að koma þangað því fyrir utan að geyma fallegustu altaristöflu í heimi, er svo rosalega mikil saga þarna, saga sem spannar amk 1000 ár! Og þegar maður er þarna og horfir yfir og hugsar um alla gömlu biskupana... svo heldur maður, afþví að maður er á þessari jörð í skitin 80 ár ca, að þetta snúist allt um mann sjálfan!! þvílík eigingirni.. Horfðum svo á Fótboltann að sjálfsögðu..
Miðvikudagur: Fórum á Þingvelli. Birkir var nú ekki í neinu stuði, vildi bara finna peningagjánna og helst týna upp úr henni en við píndum hann samt til að taka góðan göngutúr með okkur þar, en það var erfitt!! Horfðum svo á fótbolta!
Fimmtudagur: Loksins kom sól!! Vorum heima og Edda, Maggi og Rúna komu í heimsókn. Horfðum á fótbolta :)
Föstudagur: Tókum til og skiluðum bústaðnum. Fórum í sund á Selfossi og brunuðum svo heim til að ná leiknum, og Horfðum að sjálfsögðu á Fótboltann ;)