Já.. Ég veit eignlega ekki hvernig ég á að byrja þetta.. ég er eiginlega alveg orðlaus yfir allri þessari reiði sem ríkir í garð kennara þessa dagana. Ég er búin að vera að lesa blogg út um allt þar sem fólk er að tjá sig um þetta verkfall, lagasetninguna og svo gærdaginn og fólk er bara með þvílíkar svívirðngar út í kennara.
Hvað er eiginlega að????
og ég vil bara segja eitt!!
Kennarar til sjávar og sveita.. ég styð ykkur heilshugar.
Ég er foreldri og ég styð ykkur samt!! Mér finnst það vera mannréttindi að fá almennileg laun. Mér finnst ekki rétt að kenna bara kennurum um hvernig málin hafa þróast því það eru líka sveitarfélögin sem eru að semja og mér finnst að ef þeir hafa ekki efni að að borga kennurum það sem þeir fara fram á þá eiga sveitafélögin einfaldlega að annað hvort skila grunnskólunum aftur til ríkisins eða fara fram á meiri pening til þess að þeir geti borgað kennurunum almennilega...
Ég er svo skrítin.. ég bara skil ekki hvernig fólk getur bölvað kennurunum endalaust. Kannski er það af því að ég er kennaradóttir og þekki marga góða kennara sem allir eiga einhvern hlut í manni og áttu þátt í því að gera mann að þeim einstaklingi sem maður er í dag. Sem foreldri finnst mér ekkert eins mikilvægt fyrir mín börn að þeir hafi góða kennara sem hafa ánægju af því sem þeir eru að gera og það að borga þeim góð laun hlýtur bara að auka líkurnar á því að kennarinn sé ánægður og finnist gaman í vinnunni. Það þarf engan stjarneðlisfræðing til að reikna það út.
Ég get alveg sagt það að ég er samt drullufegin að vera ekki kennari. Eftir þessa útreið sem þeir eru að fá frá foreldrum þessa lands þessa dagana. Las það einhversstaðar að foreldrar væru að senda kennurum barna sinna email með svívirðingum af versta toga. Þið vitið.. er ekki lagi með þetta lið, og miðað við það sem maður heyrir allsstaðar þá eru kennurum sko ekki vandaðar kveðjurnar. Auðvitað eru börnin að fara illa út úr þessu og ef ég á að vera alveg hreinskilin þá fannst mér þetta soldið klúður þarna í gærmorgun, svossem í lagi að kennararnir mættu ekki, en skólastjórinn hefði alveg mátt vera þarna og taka á móti þeim krökkum sem komu í skólann án foreldra.. hefði alveg mátt vera með smá svona plan, því það var nú alveg vitað hvað myndi gerast.. allavega vissum við það heima hjá mér, og ég fór bara með mínum strákum í skólann og tékkaði á málunum. Mér finnst nú hálfgert ábyrgðarleysi af foreldrum að bara senda börnin í skólann án þess að athuga málið og bölsóttast svo bara út í kennarana af því að þau þurftu að redda börnunum sínum eitthvað!!!verð nú bara að segja það..
Varðandi lögsetninguna.. þá bara skil ég hreinlega ekki hvurslags nasistaríki þetta er að verða .. menn lýsa yfir stuðningi við stríð, óska bu**sh** til hamingju áður en hann er orðinn sigurvegari, samráð olíufélagana stendur yfir í 10 ár án þess að nokkur hreyfi litlaputta og svo meiga kennarar ekki berjast fyrir sjálfsögðum mannréttindum eins og mannsæmandi launum.
Ekki það að ég ætli eitthvað að fara að tjá mig um þetta.. en í hreinskilni sagt þá bara er ég skíthrædd við þetta allt saman. og ÁFRAM KENNARAR!!!